په‌رته‌و
«ئه‌رمه‌نی» په‌رته‌و کرماشانی
ئاواره‌گه‌‌ی بیچاره‌گه‌ی بی خانومانم ئه‌رمه‌نی
مالد نیه‌زانم ها له کوو، رووح و ره‌وانم ئه‌رمه‌نی
ترسم وه‌گه‌ردم تا نه‌که‌ی، بویشی بچوو ده‌ر وا نه‌که‌ی
ئمجا، م دی، دیوانه‌گه‌ی ئاگر وه گیانم ئه‌رمه‌نی
تۆ با‌و موسلمانی بکه، له‌ی گه‌وره ميهمانی بکه
هه‌ر چی ک خوه‌د زانی بکه، م ناتوانم ئه‌رمه‌نی
بیخود ئه‌ڕا ترسی، خوه مم، قورسه ده‌مم، خاتر جه‌مم
مانگه شه‌وه، سایه‌ی خوه‌مه، ها شان وه‌شانم ئه‌رمه‌نی
نه‌وش ئه‌قه‌ره، چشتی نیه، ده‌ر واکه، بارم که‌فتیه
هه‌ر یه‌ی چکی نه‌زری بکه، ته‌ڕ بوو زوانم ئه‌رمه‌نی
ئه‌ر یه‌ی که‌سی له دژمنی پرسی یه(شه‌راوه) له کوو سه‌نی
وه گیان هه‌ر چی کافره ئویشم نیه‌زانم ئه‌رمه‌نی
پشتم له بار ده‌رد و خه‌م شکیا نیه‌زانم چه بکه‌م
ده‌ردم یه‌سه له ماڵ خوه‌م بی‌خانۆمانم ئه‌رمه‌نی
رووژ و شه‌وم جوور یه‌که، ده‌ر وا که، مه‌ئیووسم نه‌که
ئاخه وه ناشه‌ڕ تازه من جیه‌ل وجوانم ئه‌رمه‌نی
ده‌ر واکه زویتر « په‌رته‌وه» مهمانه‌گه‌ی ئاخر شه‌وه
یه‌ی شیشه له‌و به‌د‌مه‌سه‌وه پڕ که بزانم ئه‌رمه‌نی
تێبینی: ئەم شیعرە لە یەک‌دوو شوێندا لەنگ و لۆڕی هەیە، بەڵام چون دەقی سەرەکیم لەبەردەستا نییە نەمویست دەستکاری کەم.
پێشکهوتن بهرهو دواوه تهنیا رێگهی رزگاریمانه. وهرن راوهستین و ئاوڕ دهینهوه له‌و ملیار مرۆڤهی بهجێماون.